hamare bas mein kya hai aur hamare bas mein kya nahin

hamāre bas meñ kyā hai aur hamāre bas meñ kyā nahīñ

jahān-e-hast-o-būd meñ kisī pe kuchh khulā nahīñ

huzūr-e-ḳhvāb der tak khaḌā rahā saver tak

nasheb-e-qalb-o-chashm se guzar tirā huā nahīñ

nazar meñ ik charāġh thā badan meñ ek baaġh thā

charāġh o baaġh ho chuke koī rihā rahā nahīñ

ujaḌ ga.iiñ haveliyāñ chalī ga.iiñ saheliyāñ

dilā tirī qabīl se koī bhī ab bachā nahīñ

havas kī razm-gāh meñ badan kī kār-gāh meñ

vo shor thā ki duur tak kisī ne kuchh sunā nahīñ

na jaane kitne yug Dhale na jaane kitne dukh pale

gharoñ meñ hāñDiyoñ tale kisī ko kuchh pata nahīñ

vo peḌ jis kī chhāñv meñ kaTī thī umr gaañv meñ

maiñ chuum chuum thak gayā magar ye dil bharā nahīñ

hamare bas mein kya hai aur hamare bas mein kya nahin

jahan-e-hast-o-bud mein kisi pe kuchh khula nahin

huzur-e-KHwab der tak khaDa raha sawer tak

nasheb-e-qalb-o-chashm se guzar tera hua nahin

nazar mein ek charagh tha badan mein ek bagh tha

charagh o bagh ho chuke koi riha raha nahin

ujaD gain haweliyan chali gain saheliyan

dila teri qabil se koi bhi ab bacha nahin

hawas ki razm-gah mein badan ki kar-gah mein

wo shor tha ki dur tak kisi ne kuchh suna nahin

na jaane kitne yug Dhale na jaane kitne dukh pale

gharon mein hanDiyon tale kisi ko kuchh pata nahin

wo peD jis ki chhanw mein kaTi thi umr ganw mein

main chum chum thak gaya magar ye dil bhara nahin