aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

har zarra-e-KHaki ko kiran humne banaya

Nushur Wahidi

har zarra-e-KHaki ko kiran humne banaya

Nushur Wahidi

MORE BYNushur Wahidi

    har zarra-e-ḳhākī ko kiran ham ne banāyā

    miTTī ko lahū de ke chaman ham ne banāyā

    thā husn magar ik nigah-e-nīm-razā se

    gesū-ba-kamar lāla-shikan ham ne banāyā

    sad-shukr ki hai un tabassum bhī hamīñ par

    kaliyoñ meñ jinheñ ġhuncha-dahan ham ne banāyā

    aġhyār ko gul-pairahanī ham ne atā

    apne liye phūloñ kafan ham ne banāyā

    har jazba-e-āzādī-e-fitrat ko huā

    har bāda-e-paimāna-shikan ham ne banāyā

    tārīḳh-e-junūñ ye hai ki har daur-e-ḳhirad meñ

    ik silsila-e-dār-o-rasan ham ne banāyā

    Darte haiñ ḳhamoshī se hamārī mah-o-anjum

    chup rah ke vo andāz-e-suḳhan ham ne banāyā

    Takrā.e kabhī mauj se sāhil pe kabhī haiñ

    bahte hue dariyā meñ vatan ham ne banāyā

    mustaqbil-e-tahzīb naġhma vahī Thahrā

    jo zamzama-e-gañg-o-jaman ham ne banāyā

    ashkoñ se hamāre hai munavvar na.ī duniyā

    shabnam ko ziyā to karan ham ne banāyā

    āfāq har jalva 'nushūr' is meñ ayaañ hai

    mil-jul ke vo ā.īna-e-fan ham ne banāyā

    har zarra-e-KHaki ko kiran hum ne banaya

    miTTi ko lahu de ke chaman hum ne banaya

    tha husn magar ek nigah-e-nim-raza se

    gesu-ba-kamar lala-shikan hum ne banaya

    sad-shukr ki hai un ka tabassum bhi hamin par

    kaliyon mein jinhen ghuncha-dahan hum ne banaya

    aghyar ko gul-pairahani hum ne ata ki

    apne liye phulon ka kafan hum ne banaya

    har jazba-e-azadi-e-fitrat ko hua di

    har baada-e-paimana-shikan hum ne banaya

    tariKH-e-junun ye hai ki har daur-e-KHirad mein

    ek silsila-e-dar-o-rasan hum ne banaya

    Darte hain KHamoshi se hamari mah-o-anjum

    chup rah ke wo andaz-e-suKHan hum ne banaya

    Takrae kabhi mauj se sahil pe kabhi hain

    bahte hue dariya mein watan hum ne banaya

    mustaqbil-e-tahzib ka naghma wahi Thahra

    jo zamzama-e-gang-o-jaman hum ne banaya

    ashkon se hamare hai munawwar nai duniya

    shabnam ko ziya di to karan hum ne banaya

    aafaq ka har jalwa 'nushur' is mein ayan hai

    mil-jul ke wo aaina-e-fan hum ne banaya

    Source:

    Sawad-e-manzil (Pg. 171)

    • Author: Nushoor Wahedi
      • Edition: 2009
      • Publisher: Maktaba Jamia Ltd, Delhi
      • Year of Publication: 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now