harf-e-shikwa na lab pe lao tum

harf-e-shikva na lab pe laao tum

zaḳhm khā kar bhī muskurāo tum

apne haq ke liye laḌo be-shak

dūsroñ kā na haq dabāo tum

sab ise dil-lagī samajhte haiñ

ab kisī se na dil lagāo tum

maslahat kā yahī taqāzā hai

vo na māneñ to maan jaao tum

apnā saaya bhī ab nahīñ apnā

apne saa.e se ḳhauf khaao tum

maut mañDlā rahī hai shahroñ par

jā ke sahrā meñ ghar banāo tum

dostoñ ko to ḳhuub dekh chuke

dushmanoñ ko bhī āzmāo tum

rāstī pe madār ho jis kā

ab na vo baat lab pe laao tum

jo bhalā māñgte the sar but kā

in buzurgoñ ko phir bulāo tum

harf-e-shikwa na lab pe lao tum

zaKHm kha kar bhi muskurao tum

apne haq ke liye laDo be-shak

dusron ka na haq dabao tum

sab ise dil-lagi samajhte hain

ab kisi se na dil lagao tum

maslahat ka yahi taqaza hai

wo na manen to man jao tum

apna saya bhi ab nahin apna

apne sae se KHauf khao tum

maut manDla rahi hai shahron par

ja ke sahra mein ghar banao tum

doston ko to KHub dekh chuke

dushmanon ko bhi aazmao tum

rasti pe madar ho jis ka

ab na wo baat lab pe lao tum

jo bhala mangte the sar but ka

in buzurgon ko phir bulao tum