hawa-e-daur-e-mai-e-KHush-gawar rah mein hai
havā-e-daur-e-mai-e-ḳhush-gavār raah meñ hai
ḳhizāñ chaman se hai jaatī bahār raah meñ hai
gadā-navāz koī shahsavār raah meñ hai
buland aaj nihāyat ġhubār raah meñ hai
adam ke kuuch kī lāzim hai fikr hastī meñ
na koī shahr na koī dayār raah meñ hai
na badraqa hai na koī rafīq saath apne
faqat inā.yat-e-parvar-digār raah meñ hai
safar hai shart musāfir-navāz bahutere
hazār-hā shajar-e-sāya-dār raah meñ hai
maqām tak bhī ham apne pahuñch hī jā.eñge
ḳhudā to dost hai dushman hazār raah meñ hai
thakeñ jo paañv to chal sar ke bal na Thahr 'ātish'
gul-e-murād hai manzil meñ ḳhaar raah meñ hai
hawa-e-daur-e-mai-e-KHush-gawar rah mein hai
KHizan chaman se hai jati bahaar rah mein hai
gada-nawaz koi shahsawar rah mein hai
buland aaj nihayat ghubar rah mein hai
adam ke kuch ki lazim hai fikr hasti mein
na koi shahr na koi dayar rah mein hai
na badraqa hai na koi rafiq sath apne
faqat inayat-e-parwar-digar rah mein hai
safar hai shart musafir-nawaz bahutere
hazar-ha shajar-e-saya-dar rah mein hai
maqam tak bhi hum apne pahunch hi jaenge
KHuda to dost hai dushman hazar rah mein hai
thaken jo panw to chal sar ke bal na Thahr 'atish'
gul-e-murad hai manzil mein KHar rah mein hai
- Book : Intekhab-e-Zarrin Urdu Ghazal (Pg. 105)
- Author : Khvaja Mohammad Zakriya
- Publication : Sangat Publishers (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
