aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ibtida-e-ishq hai lutf-e-shabab aane ko hai

Fani Badayuni

ibtida-e-ishq hai lutf-e-shabab aane ko hai

Fani Badayuni

MORE BYFani Badayuni

    ibtidā-e-ishq hai lutf-e-shabāb aane ko hai

    sabr ruḳhsat ho rahā hai iztirāb aane ko hai

    qabr par kis shaan se vo be-naqāb aane ko hai

    āftāb-e-sub.h-e-mahshar ham-rikāb aane ko hai

    mujh tak us mahfil meñ phir jām-e-sharāb aane ko hai

    umr-e-rafta palTī aatī hai shabāb aane ko hai

    haa.e kaisī kashmakash hai yaas bhī hai aas bhī

    dam nikal jaane ko hai ḳhat javāb aane ko hai

    ḳhat ke purze nāma-bar laash ke hamrāh haiñ

    kis DhiTā.ī se mire ḳhat javāb aane ko hai

    nā-umīdī maut se kahtī hai apnā kaam kar

    aas kahtī hai Thahar ḳhat javāb aane ko hai

    ruuh ghabrā.ī huī phirtī hai merī laash par

    kyā janāze par mere ḳhat javāb aane ko hai

    bhar ke saaqī jām-e-mai ik aur aur jald

    un nashīlī añkhḌiyoñ meñ phir hijāb aane ko hai

    ḳhāna-e-tasvīr meñ aane ko hai tasvīr-e-yār

    aa.ine meñ qad-e-ādam āftāb aane ko hai

    phir hinā.ī hone vaale haiñ mire qātil ke haath

    phir zabān-e-teġh par rañg-e-shahāb aane ko hai

    gudgudātā hai tasavvur chuTkiyāñ letā hai dard

    kyā kisī be-ḳhvāb āñkhoñ meñ ḳhvāb aane ko hai

    dekhiye maut aa.e 'fānī' koī fitna uThe

    mere qaabū meñ dil-e-be-sabr-o-tāb aane ko hai

    ibtida-e-ishq hai lutf-e-shabab aane ko hai

    sabr ruKHsat ho raha hai iztirab aane ko hai

    qabr par kis shan se wo be-naqab aane ko hai

    aaftab-e-subh-e-mahshar ham-rikab aane ko hai

    mujh tak us mahfil mein phir jam-e-sharab aane ko hai

    umr-e-rafta palTi aati hai shabab aane ko hai

    hae kaisi kashmakash hai yas bhi hai aas bhi

    dam nikal jaane ko hai KHat ka jawab aane ko hai

    KHat ke purze nama-bar ki lash ke hamrah hain

    kis DhiTai se mere KHat ka jawab aane ko hai

    na-umidi maut se kahti hai apna kaam kar

    aas kahti hai Thahar KHat ka jawab aane ko hai

    ruh ghabrai hui phirti hai meri lash par

    kya janaze par mere KHat ka jawab aane ko hai

    bhar ke saqi jam-e-mai ek aur la aur jald la

    un nashili ankhDiyon mein phir hijab aane ko hai

    KHana-e-taswir mein aane ko hai taswir-e-yar

    aaine mein qad-e-adam aaftab aane ko hai

    phir hinai hone wale hain mere qatil ke hath

    phir zaban-e-tegh par rang-e-shahab aane ko hai

    gudgudata hai tasawwur chuTkiyan leta hai dard

    kya kisi be-KHwab ki aankhon mein KHwab aane ko hai

    dekhiye maut aae 'fani' ya koi fitna uThe

    mere qabu mein dil-e-be-sabr-o-tab aane ko hai

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now