ek KHalish ko hasil-e-umr-e-rawan rahne diya
ik ḳhalish ko hāsil-e-umr-e-ravāñ rahne diyā
jaan kar ham ne unheñ nā-mehrbāñ rahne diyā
ārzū-e-qurb bhī baḳhshī diloñ ko ishq ne
fāsla bhī mere un ke darmiyāñ rahne diyā
kitnī dīvāroñ ke saa.e haath phailāte rahe
ishq ne lekin hameñ be-ḳhānumāñ rahne diyā
apne apne hausle apnī talab kī baat hai
chun liyā ham ne tumheñ saarā jahāñ rahne diyā
kaun is tarz-e-jafā-e-āsmāñ kī daad de
baaġh saarā phūñk Daalā āshiyāñ rahne diyā
ye bhī kyā jiine meñ jiinā hai baġhair un ke 'adīb'
sham.a gul kar dī ga.ī baaqī dhuāñ rahne diyā
ek KHalish ko hasil-e-umr-e-rawan rahne diya
jaan kar hum ne unhen na-mehrban rahne diya
aarzu-e-qurb bhi baKHshi dilon ko ishq ne
fasla bhi mere un ke darmiyan rahne diya
kitni diwaron ke sae hath phailate rahe
ishq ne lekin hamein be-KHanuman rahne diya
apne apne hausle apni talab ki baat hai
chun liya hum ne tumhein sara jahan rahne diya
kaun is tarz-e-jafa-e-asman ki dad de
bagh sara phunk Dala aashiyan rahne diya
ye bhi kya jine mein jina hai baghair un ke 'adib'
shama gul kar di gai baqi dhuan rahne diya
- Book : Nuquush Lahore (Pg. 349)
- Author : Mohd Tufail
- Publication : Idara Farog-e-urdu, Lahore (Feb.1956 )
- Edition : Feb.1956
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
