ishq se ijtinab kar lena

ishq se ijtināb kar lenā

apnī miTTī ḳharāb kar lenā

ham ne duniyā ko ḳhuub jhelā hai

ham se kuchh iktisāb kar lenā

bebasī se najāt mil jaa.e

phir savāl-o-javāb kar lenā

chhoḌ izzat-ma.āb logoñ ko

ḳhud ko ālī-janāb kar lenā

kal tujhe kuchh gunāh karne haiñ

aaj kār-e-savāb kar lenā

is ko bhar lenā apnī āñkhoñ meñ

ik haqīqat ko ḳhvāb kar lenā

kyā kamī hai hasīn chehroñ kī

phir nayā intiḳhāb kar lenā

tum sar-e-ām ek din 'hāmid'

ruuh ko be-naqāb kar lenā

hama-tan-gosh hai ye vīrānī

yaar 'hāmid' ḳhitāb kar lenā

ishq se ijtinab kar lena

apni miTTi KHarab kar lena

hum ne duniya ko KHub jhela hai

hum se kuchh iktisab kar lena

bebasi se najat mil jae

phir sawal-o-jawab kar lena

chhoD izzat-maab logon ko

KHud ko aali-janab kar lena

kal tujhe kuchh gunah karne hain

aaj kar-e-sawab kar lena

is ko bhar lena apni aankhon mein

ek haqiqat ko KHwab kar lena

kya kami hai hasin chehron ki

phir naya intiKHab kar lena

tum sar-e-am ek din 'hamid'

ruh ko be-naqab kar lena

hama-tan-gosh hai ye virani

yar 'hamid' KHitab kar lena