isi liye to haar ka hua nahin malal tak

isī liye to haar kā huā nahīñ malāl tak

vo mere saath saath thā uruuj se zavāl tak

nahīñ hai sahl is qadar ki jī sake har ek shaḳhs

balā-e-hijr kī rutoñ se mausam-e-visāl tak

hamārī kisht-e-ārzū ye dhuup kyā jalā.egī

tumhārā intizār ham kareñge barshgāl tak

amiiq zaḳhm is qadar ba-dast-e-roz-o-shab mile

ki mundamil na kar sakī davā-e-māh-o-sāl tak

qubā-e-zard-o-surḳh kā ye imtizāj al-amāñ

jamāl ko vo le gayā pare had-e-kamāl tak

isi liye to haar ka hua nahin malal tak

wo mere sath sath tha uruj se zawal tak

nahin hai sahl is qadar ki ji sake har ek shaKHs

bala-e-hijr ki ruton se mausam-e-visal tak

hamari kisht-e-arzu ye dhup kya jalaegi

tumhaara intizar hum karenge barshgal tak

amiq zaKHm is qadar ba-dast-e-roz-o-shab mile

ki mundamil na kar saki dawa-e-mah-o-sal tak

quba-e-zard-o-surKH ka ye imtizaj al-aman

jamal ko wo le gaya pare had-e-kamal tak