itne nazdik se aaine ko dekha na karo

itne nazdīk se ā.īne ko dekhā na karo

ruḳh-e-zebā kī latāfat ko baḌhāyā na karo

dard o āzār kā tum mere mudāvā na karo

rahne do apnī masīhā.ī kā daavā na karo

husn ke sāmne iz.hār-e-tamannā na karo

ishq ik raaz hai is raaz ko ifshā na karo

apnī mahfil meñ mujhe ġhaur se dekhā na karo

maiñ tamāshā huuñ magar tum to tamāshā na karo

saarī duniyā tumheñ kah degī tumhīñ ho qātil

dekho mujh ko ġhalat andāz se dekhā na karo

kaise mumkin hai ki ham donoñ bichhaḌ jā.eñge

itnī gahrā.ī se har baat ko sochā na karo

tum pe ilzām na aa jaa.e safar meñ koī

rāsta kitnā hī dushvār ho Thahrā na karo

vo koī shāḳh ho mizrāb ho yā dil ho 'azīz'

TūTne vaalī kisī shai kā bharosā na karo

itne nazdik se aaine ko dekha na karo

ruKH-e-zeba ki latafat ko baDhaya na karo

dard o aazar ka tum mere mudawa na karo

rahne do apni masihai ka dawa na karo

husn ke samne izhaar-e-tamanna na karo

ishq ek raaz hai is raaz ko ifsha na karo

apni mahfil mein mujhe ghaur se dekha na karo

main tamasha hun magar tum to tamasha na karo

sari duniya tumhein kah degi tumhin ho qatil

dekho mujh ko ghalat andaz se dekha na karo

kaise mumkin hai ki hum donon bichhaD jaenge

itni gahrai se har baat ko socha na karo

tum pe ilzam na aa jae safar mein koi

rasta kitna hi dushwar ho Thahra na karo

wo koi shaKH ho mizrab ho ya dil ho 'aziz'

TuTne wali kisi shai ka bharosa na karo