جان نہیں پہچان نہیں ہے
جان نہیں پہچان نہیں ہے
پھر بھی تو وہ انجان نہیں ہے
ہر غم سہنا اور خوش رہنا
مشکل ہے آسان نہیں ہے
دل میں جو مر جائے وہ ہے ارماں
جو نکلے ارمان نہیں ہے
مجھ کو خوشی یہ ہے کہ خوشی کا
مجھ پہ کوئی احسان نہیں ہے
اب نہ دکھانا تابش جلوہ
اب آنکھوں میں جان نہیں ہے
سب کچھ ہے اس دور ہوس میں
دل کا اطمینان نہیں ہے
اب کے وقارؔ ایسے بچھڑے ہیں
ملنے کا امکان نہیں ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
