jahan na dil ko sukun hai na hai qarar mujhe

Ajiz Matvi

jahan na dil ko sukun hai na hai qarar mujhe

Ajiz Matvi

MORE BYAjiz Matvi

    jahāñ na dil ko sukūn hai na hai qarār mujhe

    ye kis maqām pe le aa.ī yād-e-yār mujhe

    ye baat sach hai maiñ barg-e-ḳhizāñ-rasīda huuñ

    magar salām kiyā kartī hai bahār mujhe

    sitam ye hai vo kabhī bhuul kar nahīñ aayā

    tamām umr rahā jis intizār mujhe

    bas apne-āp sañvarnā bhī koī baat huī

    apnī zulf sūrat kabhī sañvār mujhe

    abas hai dosto tashrīh-e-vāda-e-fardā

    ab is zikr bhī hotā hai nāgavār mujhe

    tamām umr jhulastā rahā maiñ sahrā meñ

    kahīñ shajar nazar aayā na sāya-dār mujhe

    bahār-e-nau ye haqīqat hai fareb-e-nigāh

    libās-e-gul nazar aatā hai taar taar mujhe

    gunāh jis se na sarzad huā ho ai 'ājiz'

    usī ko haq hai vo kah de gunāhgār mujhe

    jahan na dil ko sukun hai na hai qarar mujhe

    ye kis maqam pe le aai yaad-e-yar mujhe

    ye baat sach hai main barg-e-KHizan-rasida hun

    magar salam kiya karti hai bahaar mujhe

    sitam ye hai wo kabhi bhul kar nahin aaya

    tamam umr raha jis ka intizar mujhe

    bas apne-ap sanwarna bhi koi baat hui

    tu apni zulf ki surat kabhi sanwar mujhe

    abas hai dosto tashrih-e-wada-e-farda

    ab is ka zikr bhi hota hai nagawar mujhe

    tamam umr jhulasta raha main sahra mein

    kahin shajar nazar aaya na saya-dar mujhe

    bahaar-e-nau ye haqiqat hai ya fareb-e-nigah

    libas-e-gul nazar aata hai tar tar mujhe

    gunah jis se na sarzad hua ho ai 'ajiz'

    usi ko haq hai wo kah de gunahgar mujhe

    Source :
    • Book : mahbas-e-gham (Pg. 93)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now