aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jalte jalte bujh gai ek mom-batti raat ko

Sibt Ali Saba

jalte jalte bujh gai ek mom-batti raat ko

Sibt Ali Saba

MORE BYSibt Ali Saba

    jalte jalte bujh ga.ī ik mom-battī raat ko

    mar ga.ī fāqa-zadā ma.asūm bachchī raat ko

    āñdhiyoñ se kyā bachātī phuul ko kāñToñ baaḌ

    sehn meñ bikhrī huī thī pattī pattī raat ko

    kitnā bosīda durīda pairahan hai zeb-e-tan

    vo jo charḳha kāTtī rahtī hai laḌkī raat ko

    sehn meñ ik shor har aañkh hai hairat-zada

    chūḌiyāñ sab toḌ diiñ dulhan ne pahlī raat ko

    jab chalī ThanDī havā bachcha ThiThur kar rah gayā

    maañ ne apne laal taḳhtī jalā raat ko

    vaqt to har ek dar par dastakeñ detā rahā

    ek saa.at ke liye jaagī na bastī raat ko

    marġh-zār-e-shā.erī meñ gum rahā 'sabt-e-alī'

    so ga.ī rah dekhte bīmār biivī raat ko

    jalte jalte bujh gai ek mom-batti raat ko

    mar gai faqa-zada masum bachchi raat ko

    aandhiyon se kya bachati phul ko kanTon ki baD

    sehn mein bikhri hui thi patti patti raat ko

    kitna bosida durida pairahan hai zeb-e-tan

    wo jo charKHa kaTti rahti hai laDki raat ko

    sehn mein ek shor sa har aankh hai hairat-zada

    chuDiyan sab toD din dulhan ne pahli raat ko

    jab chali ThanDi hawa bachcha ThiThur kar rah gaya

    man ne apne lal ki taKHti jala di raat ko

    waqt to har ek dar par dastaken deta raha

    ek saat ke liye jagi na basti raat ko

    margh-zar-e-shaeri mein gum raha 'sabt-e-ali'

    so gai rah dekhte bimar biwi raat ko

    Source:

    Range-e-Gazal (Pg. 228)

    • Author: shahzaad ahmad
      • Edition: 1988
      • Publisher: Ali Printers, 19-A Abate Road, Lahore
      • Year of Publication: 1988
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now