jis ko samjhe the tawangar wo gadagar nikla
Interesting Fact
28 November 2007, Lucknow
jis ko samjhe the tavañgar vo gadāgar niklā
zarf meñ kāsa-e-darvesh samundar niklā
kabhī darvesh ke takiya meñ bhī aa kar dekho
tañg-dastī meñ bhī ārām mayassar niklā
mushkileñ aatī haiñ aane do guzar jā.eñgī
log ye dekheñ ki kamzor dilāvar niklā
jab giraftoñ se bhī aage ho pahuñch muTThī kī
tab lagegā ki samundar meñ shanāvar niklā
koī mauhūm sā chehra jo bulātā hai hameñ
bādaloñ kī tarah shakleñ vo badal kar niklā
dil ajab chiiz hai kis miTTī meñ jā kar bo.eñ
jaḌ yuuñ pakḌe ki lage peḌ tanāvar niklā
laash qātil ne khulī pheñk dī chaurāhe par
dekhne vaalā koī ghar se na bāhar niklā
dekhne meñ to dhanak chand hī lamhe thī 'anīs'
saat rañgoñ kā magar dīdanī manzar niklā
jis ko samjhe the tawangar wo gadagar nikla
zarf mein kasa-e-darwesh samundar nikla
kabhi darwesh ke takiya mein bhi aa kar dekho
tang-dasti mein bhi aaram mayassar nikla
mushkilen aati hain aane do guzar jaengi
log ye dekhen ki kamzor dilawar nikla
jab girafton se bhi aage ho pahunch muTThi ki
tab lagega ki samundar mein shanawar nikla
koi mauhum sa chehra jo bulata hai hamein
baadalon ki tarah shaklen wo badal kar nikla
dil ajab chiz hai kis miTTi mein ja kar boen
jaD yun pakDe ki lage peD tanawar nikla
lash qatil ne khuli phenk di chaurahe par
dekhne wala koi ghar se na bahar nikla
dekhne mein to dhanak chand hi lamhe thi 'anis'
sat rangon ka magar didani manzar nikla
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
