jise likh likh ke KHud bhi ro paDa hun
jise likh likh ke ḳhud bhī ro paḌā huuñ
maiñ apnī ruuh kā vo marsiya huuñ
mirī tanhā.iyoñ ko kaun samjhe
maiñ saaya huuñ magar ḳhud se judā huuñ
samajhtā huuñ navā kī sho.alagī ko
sukūt-e-harf se lams-e-āshnā huuñ
kisī se kyā milūñ apnā samajh kar
maiñ apne vāste bhī nā-rasā huuñ
koī sūraj hai fan kā to mujhe kyā
maiñ apnī raushnī meñ sochtā huuñ
mirā sahrā hai merī ḳhud-shanāsī
maiñ apnī ḳhāmushī meñ gūñjtā huuñ
mujhe ye justujū rakhtī hai hairāñ
ki maiñ sahbā huuñ yā sahbā-numā huuñ
jise likh likh ke KHud bhi ro paDa hun
main apni ruh ka wo marsiya hun
meri tanhaiyon ko kaun samjhe
main saya hun magar KHud se juda hun
samajhta hun nawa ki shoalagi ko
sukut-e-harf se lams-e-ashna hun
kisi se kya milun apna samajh kar
main apne waste bhi na-rasa hun
koi suraj hai fan ka to mujhe kya
main apni raushni mein sochta hun
mera sahra hai meri KHud-shanasi
main apni KHamushi mein gunjta hun
mujhe ye justuju rakhti hai hairan
ki main sahba hun ya sahba-numa hun
Source:
Pakistani Adab (Pg. 580)
- Author: Dr. Rashid Amjad
-
- Edition: 2009
- Publisher: Pakistan Academy of Letters, Islambad, Pakistan
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
