junun-e-shauq ab bhi kam nahin hai
junūn-e-shauq ab bhī kam nahīñ hai
magar vo aaj bhī barham nahīñ hai
bahut mushkil hai duniyā kā sañvarnā
tirī zulfoñ kā pech-o-ḳham nahīñ hai
bahut kuchh aur bhī hai is jahāñ meñ
ye duniyā mahz ġham hī ġham nahīñ hai
taqāze kyuuñ karūñ paiham na saaqī
kise yaañ fikr-e-besh-o-kam nahīñ hai
udhar mashkūk hai merī sadāqat
idhar bhī bad-gumānī kam nahīñ hai
mirī barbādiyoñ kā ham-nashīno
tumheñ kyā ḳhud mujhe bhī ġham nahīñ hai
abhī bazm-e-tarab se kyā uThūñ maiñ
abhī to aañkh bhī pur-nam nahīñ hai
ba-īñ sail-e-ġham o sail-e-havādis
mirā sar hai ki ab bhī ḳham nahīñ hai
'majāz' ik bāda-kash to hai yaqīnan
jo ham sunte the vo aalam nahīñ hai
junun-e-shauq ab bhi kam nahin hai
magar wo aaj bhi barham nahin hai
bahut mushkil hai duniya ka sanwarna
teri zulfon ka pech-o-KHam nahin hai
bahut kuchh aur bhi hai is jahan mein
ye duniya mahz gham hi gham nahin hai
taqaze kyun karun paiham na saqi
kise yan fikr-e-besh-o-kam nahin hai
udhar mashkuk hai meri sadaqat
idhar bhi bad-gumani kam nahin hai
meri barbaadiyon ka ham-nashino
tumhein kya KHud mujhe bhi gham nahin hai
abhi bazm-e-tarab se kya uThun main
abhi to aankh bhi pur-nam nahin hai
ba-in sail-e-gham o sail-e-hawadis
mera sar hai ki ab bhi KHam nahin hai
'majaz' ek baada-kash to hai yaqinan
jo hum sunte the wo aalam nahin hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
