junun ko raKHt kiya KHak ko libaada kiya

junūñ ko raḳht kiyā ḳhaak ko libāda kiyā

maiñ dasht dasht bhaTakne kā jab irāda kiyā

maiñ nāsehān kī suntā huuñ aur Tāltā huuñ

so qurb-e-husn chhuTā aur na tark-e-bāda kiyā

mahakte phuul sitāre damaktā chāñd dhanak

tire jamāl se kitnoñ ne istifāda kyā

hazār rañg meñ jalva-numā thā husn-o-jamāl

dil aur shoḳh huā us ko jitnā saada kiyā

vo de rahā thā talab se sivā sabhī ko 'ḳhayāl'

so maiñ ne dāman-e-dil aur kuchh kushāda kiyā

junun ko raKHt kiya KHak ko libaada kiya

main dasht dasht bhaTakne ka jab irada kiya

main nasehan ki sunta hun aur Talta hun

so qurb-e-husn chhuTa aur na tark-e-baada kiya

mahakte phul sitare damakta chand dhanak

tere jamal se kitnon ne istifada kya

hazar rang mein jalwa-numa tha husn-o-jamal

dil aur shoKH hua us ko jitna sada kiya

wo de raha tha talab se siwa sabhi ko 'KHayal'

so main ne daman-e-dil aur kuchh kushada kiya