kab chala jata hai shahpar koi aa ke samne
kab chalā jaatā hai 'shahpar' koī aa ke sāmne
suuī kā girnā bhī kyā āvāz-e-pā ke sāmne
roz be-maqsad ḳhushāmad qatl kartī hai use
roz mar jaatā hai vo apnī anā ke sāmne
karb kī masmūm lahreñ tez tar hone lagīñ
rakh diyā kis ne charāġh-e-dil havā ke sāmne
qalb kī gahrā.iyoñ meñ sirf terā aks hai
dekh le kyā kah rahā huuñ maiñ ḳhudā ke sāmne
roz koī aas bhar jaatī hai in meñ rañg-e-yās
roz rakh letā huuñ maiñ ḳhāke banā ke sāmne
dūsroñ ke zaḳhm bun kar oḌhnā āsāñ nahīñ
sab qabā.eñ hech haiñ merī ridā ke sāmne
kab chala jata hai 'shahpar' koi aa ke samne
sui ka girna bhi kya aawaz-e-pa ke samne
roz be-maqsad KHushamad qatl karti hai use
roz mar jata hai wo apni ana ke samne
karb ki masmum lahren tez tar hone lagin
rakh diya kis ne charagh-e-dil hawa ke samne
qalb ki gahraiyon mein sirf tera aks hai
dekh le kya kah raha hun main KHuda ke samne
roz koi aas bhar jati hai in mein rang-e-yas
roz rakh leta hun main KHake bana ke samne
dusron ke zaKHm bun kar oDhna aasan nahin
sab qabaen hech hain meri rida ke samne
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
