kabhi aaine sa bhi sochna mujhe aa gaya

kabhī aa.ine sā bhī sochnā mujhe aa gayā

mirā dil ke biich hī TūTnā mujhe aa gayā

tirī pahlī diid ke saath hī vo fusūñ bhī thā

tujhe dekh kar tujhe dekhnā mujhe aa gayā

koī gahre niil sā sehr hai tirī aañkh meñ

ye vo jhiil hai jahāñ Dūbnā mujhe aa gayā

mujhe kyā jo ho koī lai meñ sher meñ rañg meñ

mirā dukh ye hai use DhūñDnā mujhe aa gayā

ki adā-e-yār pe munhasir mirī chaal thī

kahīñ jītnā kahīñ hārnā mujhe aa gayā

jahāñ fart-e-mastī meñ kaj-qadam the saman-barāñ

koī gir rahā thā to thāmnā mujhe aa gayā

baḌe kaam kī thī jo guftugū rahī rū-ba-rū

tū na jaan, par tujhe jānñā mujhe aa gayā

kabhi aaine sa bhi sochna mujhe aa gaya

mera dil ke bich hi TuTna mujhe aa gaya

teri pahli did ke sath hi wo fusun bhi tha

tujhe dekh kar tujhe dekhna mujhe aa gaya

koi gahre nil sa sehr hai teri aankh mein

ye wo jhil hai jahan Dubna mujhe aa gaya

mujhe kya jo ho koi lai mein sher mein rang mein

mera dukh ye hai use DhunDna mujhe aa gaya

ki ada-e-yar pe munhasir meri chaal thi

kahin jitna kahin haarna mujhe aa gaya

jahan fart-e-masti mein kaj-qadam the saman-baran

koi gir raha tha to thamna mujhe aa gaya

baDe kaam ki thi jo guftugu rahi ru-ba-ru

tu na jaan, par tujhe jaanna mujhe aa gaya