kaise aa pahunchi hai gulshan ki hawa zindan mein

kaise aa pahuñchī hai gulshan kī havā zindāñ meñ

dil kā jau zaḳhm thā ik phuul banā zindāñ meñ

aisā dil-kash thā ki thī maut bhī manzūr hameñ

ham ne jis jurm kī kaaTī hai sazā zindāñ meñ

maiñ gulistāñ meñ bhī tanhā thā magar yaad to thī

kaisā be-yār-o-madad-gār huā zindāñ maiñ

maiñ nai tanhā.ī se tañg aa ke use yaad kiyā

ab mire saath hī rahtā hai ḳhudā zindāñ meñ

vo jo gulshan meñ mire ġham kā mudāvā na huā

chāñd niklā to use yaad kiyā zindāñ meñ

aaj jab aañkh khulī hai to fazā hai ḳhāmosh

sub.h-dam kaun sū-e-dār gayā zindāñ meñ

kaise aa pahunchi hai gulshan ki hawa zindan mein

dil ka jau zaKHm tha ek phul bana zindan mein

aisa dil-kash tha ki thi maut bhi manzur hamein

hum ne jis jurm ki kaTi hai saza zindan mein

main gulistan mein bhi tanha tha magar yaad to thi

kaisa be-yar-o-madad-gar hua zindan main

main nai tanhai se tang aa ke use yaad kiya

ab mere sath hi rahta hai KHuda zindan mein

wo jo gulshan mein mere gham ka mudawa na hua

chand nikla to use yaad kiya zindan mein

aaj jab aankh khuli hai to faza hai KHamosh

subh-dam kaun su-e-dar gaya zindan mein