karb chehron pe sajate hue mar jate hain
karb chehroñ pe sajāte hue mar jaate haiñ
ham vatan chhoḌ ke jaate hue mar jaate haiñ
zindagī ek kahānī ke sivā kuchh bhī nahīñ
log kirdār nibhāte hue mar jaate haiñ
umr-bhar jin ko mayassar nahīñ hotī manzil
ḳhaak rāhoñ meñ uḌāte hue mar jaate haiñ
kuchh parinde haiñ jo sūkhe hue dariyāoñ se
ilm kī pyaas bujhāte hue mar jaate haiñ
zinda rahte haiñ ka.ī log musāfir kī tarah
jo safar meñ kahīñ jaate hue mar jaate haiñ
un kā paiġhām milā kartā hai ġhairoñ se mujhe
vo mire paas ḳhud aate hue mar jaate haiñ
jin ko apno se tavajjoh nahīñ miltī 'jāved'
haath ġhairoñ se milāte hue mar jaate haiñ
karb chehron pe sajate hue mar jate hain
hum watan chhoD ke jate hue mar jate hain
zindagi ek kahani ke siwa kuchh bhi nahin
log kirdar nibhate hue mar jate hain
umr-bhar jin ko mayassar nahin hoti manzil
KHak rahon mein uDate hue mar jate hain
kuchh parinde hain jo sukhe hue dariyaon se
ilm ki pyas bujhate hue mar jate hain
zinda rahte hain kai log musafir ki tarah
jo safar mein kahin jate hue mar jate hain
un ka paigham mila karta hai ghairon se mujhe
wo mere pas KHud aate hue mar jate hain
jin ko apno se tawajjoh nahin milti 'jawed'
hath ghairon se milate hue mar jate hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
