aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHamosh zindagi jo basar kar rahe hain hum

Rais Amrohvi

KHamosh zindagi jo basar kar rahe hain hum

Rais Amrohvi

MORE BYRais Amrohvi

    ḳhāmosh zindagī jo basar kar rahe haiñ ham

    gahre samundaroñ meñ safar kar rahe haiñ ham

    sadiyoñ tak ehtimām-e-shab-e-hijr meñ rahe

    sadiyoñ se intizār-e-sahar kar rahe haiñ ham

    zarre ke zaḳhm dil pe tavajjoh kiye baġhair

    darmān-e-dard-e-shams-o-qamar kar rahe haiñ ham

    har chand nāz-e-husn pe ġhālib na aa sake

    kuchh aur mārke haiñ jo sar kar rahe haiñ ham

    sub.h-e-azal se shām-e-abad tak hai ek din

    ye din taḌap taḌap ke basar kar rahe haiñ ham

    koī pukārtā hai har ik hādse ke saath

    taḳhlīq-e-kā.enāt-e-digar kar rahe haiñ ham

    ai arsa-e-talab ke subuk-sair qāflo

    Thahro ki nazm-e-rāh-e-guzar kar rahe haiñ ham

    likh likh ke ashk o ḳhuuñ se hikāyāt-e-zindagī

    ārā.ish-e-kitāb-e-bashar kar rahe haiñ ham

    taḳhmīna-e-havādis-e-tūfāñ ke saath saath

    batn-e-sadaf meñ vazn-e-gohar kar rahe haiñ ham

    ham apnī zindagī to basar kar chuke 'ra.īs'

    ye kis ziist hai jo basar kar rahe haiñ ham

    KHamosh zindagi jo basar kar rahe hain hum

    gahre samundaron mein safar kar rahe hain hum

    sadiyon tak ehtimam-e-shab-e-hijr mein rahe

    sadiyon se intizar-e-sahar kar rahe hain hum

    zarre ke zaKHm dil pe tawajjoh kiye baghair

    darman-e-dard-e-shams-o-qamar kar rahe hain hum

    har chand naz-e-husn pe ghaalib na aa sake

    kuchh aur marke hain jo sar kar rahe hain hum

    subh-e-azal se sham-e-abad tak hai ek din

    ye din taDap taDap ke basar kar rahe hain hum

    koi pukarta hai har ek hadse ke sath

    taKHliq-e-kaenat-e-digar kar rahe hain hum

    ai arsa-e-talab ke subuk-sair qaflo

    Thahro ki nazm-e-rah-e-guzar kar rahe hain hum

    likh likh ke ashk o KHun se hikayat-e-zindagi

    aaraish-e-kitab-e-bashar kar rahe hain hum

    taKHmina-e-hawadis-e-tufan ke sath sath

    batn-e-sadaf mein wazn-e-gohar kar rahe hain hum

    hum apni zindagi to basar kar chuke 'rais'

    ye kis ki zist hai jo basar kar rahe hain hum

    Videos
    This video is playing from YouTube

    Videos
    This video is playing from YouTube

    Rais Amrohvi

    Rais Amrohvi

    Rais Amrohvi

    Rais Amrohvi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now