kise KHabar thi ki isko bhi TuT jaana tha

kise ḳhabar thī ki is ko bhī TuuT jaanā thā

hamārā aap se rishta bahut purānā thā

ham apne shahr se ho kar udaas aa.e the

tumhāre shahr se ho kar udaas jaanā thā

sadā lagā.ī magar koī bhī nahīñ palTā

har ek shaḳhs na jaane kahāñ ravāna thā

yuuñ chup huā ki phir āñkheñ hī DabDabā uTThīñ

na jaane us ko abhī aur kyā batānā thā

kise paḌī thī mirā haal pūchhtā mujh se

mujhe to rasm nibhānī thī muskurānā thā

bhanak na jaane ye kaise lagī havāoñ ko

ki mujh ko rāhguzar par diyā jalānā thā

chhupī thī is meñ hī tamhīd bhī judā.ī kī

hamārā aap se milnā to ik bahāna thā

tujhe ḳhabar hī nahīñ mere jītne vaale

tire liye to hamesha hī haar jaanā thā

nigāh-e-shauq se yuuñ ġhair ko tirā taknā

'navāz' aur nahīñ kuchh mujhe satānā thā

kise KHabar thi ki is ko bhi TuT jaana tha

hamara aap se rishta bahut purana tha

hum apne shahr se ho kar udas aae the

tumhaare shahr se ho kar udas jaana tha

sada lagai magar koi bhi nahin palTa

har ek shaKHs na jaane kahan rawana tha

yun chup hua ki phir aankhen hi DabDaba uTThin

na jaane us ko abhi aur kya batana tha

kise paDi thi mera haal puchhta mujh se

mujhe to rasm nibhani thi muskurana tha

bhanak na jaane ye kaise lagi hawaon ko

ki mujh ko rahguzar par diya jalana tha

chhupi thi is mein hi tamhid bhi judai ki

hamara aap se milna to ek bahana tha

tujhe KHabar hi nahin mere jitne wale

tere liye to hamesha hi haar jaana tha

nigah-e-shauq se yun ghair ko tera takna

'nawaz' aur nahin kuchh mujhe satana tha