kisi ke hijr mein jina muhaal ho gaya hai

kisī ke hijr meñ jiinā muhāl ho gayā hai

kise batā.eñ hamārā jo haal ho gayā hai

kahīñ girā hai na rauñdā gayā hai dil phir bhī

shikasta ho gayā hai pā.emāl ho gayā hai

sahar jo aa.ī hai shab ke tamām hone par

to is meñ kaun sā aisā kamāl ho gayā hai

koī bhī chiiz salāmat nahīñ magar ye dil

shikastagī meñ jo apnī misāl ho gayā hai

udhar charāġh jale haiñ kisī darīche meñ

idhar vazīfa-e-dil bhī bahāl ho gayā hai

hayā kā rang jo aayā hai us ke chehre par

ye rang hāsil-e-shām-e-visāl ho gayā hai

masāfat-e-shab-e-hijrāñ meñ chāñd bhī 'ajmal'

thakan se chuur ġhamoñ se niDhāl ho gayā hai

kisi ke hijr mein jina muhaal ho gaya hai

kise bataen hamara jo haal ho gaya hai

kahin gira hai na raunda gaya hai dil phir bhi

shikasta ho gaya hai paemal ho gaya hai

sahar jo aai hai shab ke tamam hone par

to is mein kaun sa aisa kamal ho gaya hai

koi bhi chiz salamat nahin magar ye dil

shikastagi mein jo apni misal ho gaya hai

udhar charagh jale hain kisi dariche mein

idhar wazifa-e-dil bhi bahaal ho gaya hai

haya ka rang jo aaya hai us ke chehre par

ye rang hasil-e-sham-e-visal ho gaya hai

masafat-e-shab-e-hijran mein chand bhi 'ajmal'

thakan se chur ghamon se niDhaal ho gaya hai