aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kisi ke hijr mein jina muhaal ho gaya hai

Ajmal Siraj

kisi ke hijr mein jina muhaal ho gaya hai

Ajmal Siraj

MORE BYAjmal Siraj

    kisī ke hijr meñ jiinā muhāl ho gayā hai

    kise batā.eñ hamārā jo haal ho gayā hai

    kahīñ girā hai na rauñdā gayā hai dil phir bhī

    shikasta ho gayā hai pā.emāl ho gayā hai

    sahar jo aa.ī hai shab ke tamām hone par

    to is meñ kaun aisā kamāl ho gayā hai

    koī bhī chiiz salāmat nahīñ magar ye dil

    shikastagī meñ jo apnī misāl ho gayā hai

    udhar charāġh jale haiñ kisī darīche meñ

    idhar vazīfa-e-dil bahāl ho gayā hai

    hayā rañg jo aayā hai us ke chehre par

    ye rañg hāsil-e-shām-e-visāl ho gayā hai

    masāfat-e-shab-e-hijrāñ meñ chāñd bhī 'ajmal'

    thakan se chuur ġhamoñ se niDhāl ho gayā hai

    kisi ke hijr mein jina muhaal ho gaya hai

    kise bataen hamara jo haal ho gaya hai

    kahin gira hai na raunda gaya hai dil phir bhi

    shikasta ho gaya hai paemal ho gaya hai

    sahar jo aai hai shab ke tamam hone par

    to is mein kaun sa aisa kamal ho gaya hai

    koi bhi chiz salamat nahin magar ye dil

    shikastagi mein jo apni misal ho gaya hai

    udhar charagh jale hain kisi dariche mein

    idhar wazifa-e-dil bahaal ho gaya hai

    haya ka rang jo aaya hai us ke chehre par

    ye rang hasil-e-sham-e-visal ho gaya hai

    masafat-e-shab-e-hijran mein chand bhi 'ajmal'

    thakan se chur ghamon se niDhaal ho gaya hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now