koi na harf-e-nawed-o-KHabar kaha usne

koī na harf-e-naved-o-ḳhabar kahā us ne

vahī fasāna-e-ashufta-tar kahā us ne

shirākat-e-ḳhas-o-shola hai kārobār-e-junūñ

ziyāñ-kade meñ kis anjām par kahā us ne

use bhī nāz-e-ġhalat-karda-e-taġhāful thā

ki ḳhvāb o ḳhema-faroshī ko ghar kahā us ne

tamām log jise āsmān kahte haiñ

agar kahā to use baal o par kahā us ne

use ajab thā ġhurūr-e-shaguft-e-ruḳhsārī

bahār-e-gul ko bahut be-hunar kahā us ne

ye gul haiñ aur ye sitāre haiñ aur ye maiñ huuñ

bas ek din mujhe tālīm kar kahā us ne

mirī misāl thī saffāki-e-tamannā meñ

supurdagī meñ mujhe qatl kar kahā us ne

maiñ āftāb-e-qayāmat thā so tulū huā

hazār matla-e-nā-sāz-tar kahā us ne

koi na harf-e-nawed-o-KHabar kaha us ne

wahi fasana-e-ashufta-tar kaha us ne

shirakat-e-KHas-o-shola hai karobar-e-junun

ziyan-kade mein kis anjam par kaha us ne

use bhi naz-e-ghalat-karda-e-taghaful tha

ki KHwab o KHema-faroshi ko ghar kaha us ne

tamam log jise aasman kahte hain

agar kaha to use baal o par kaha us ne

use ajab tha ghurur-e-shaguft-e-ruKHsari

bahaar-e-gul ko bahut be-hunar kaha us ne

ye gul hain aur ye sitare hain aur ye main hun

bas ek din mujhe talim kar kaha us ne

meri misal thi saffaki-e-tamanna mein

supurdagi mein mujhe qatl kar kaha us ne

main aaftab-e-qayamat tha so tulu hua

hazar matla-e-na-saz-tar kaha us ne