kuchh talluq bhi nahin rasm-e-jahan se aage

kuchh ta.alluq bhī nahīñ rasm-e-jahāñ se aage

us se rishta bhī rahā vahm o gumāñ se aage

le ke pahuñchī hai kahāñ sīm-badan kī ḳhvāhish

kuchh ilāqa na rahā sūd-o-ziyāñ se aage

ḳhvāb-zāroñ meñ vo chehra hai numū kī sūrat

aur ik fasl ugī rishta-e-jāñ se aage

kab talak apnī hī sāñsoñ kā chukātā rahūñ qarz

ai mirī aañkh koī ḳhvāb dhuāñ se aage

shāḳh-e-ehsās pe khilte rahe zaḳhmoñ ke gulāb

kis ne mahsūs kiyā shorish-e-jāñ se aage

jab bhī bol uTTheñge tanhā.ī meñ likkhe hue harf

phailte jā.eñge nāqūs o azaañ se aage

jis kī kirnoñ se ujālā hai lahū meñ 'ajmal'

jal rahā hai vo diyā kāhkashāñ se aage

kuchh talluq bhi nahin rasm-e-jahan se aage

us se rishta bhi raha wahm o guman se aage

le ke pahunchi hai kahan sim-badan ki KHwahish

kuchh ilaqa na raha sud-o-ziyan se aage

KHwab-zaron mein wo chehra hai numu ki surat

aur ek fasl ugi rishta-e-jaan se aage

kab talak apni hi sanson ka chukata rahun qarz

ai meri aankh koi KHwab dhuan se aage

shaKH-e-ehsas pe khilte rahe zaKHmon ke gulab

kis ne mahsus kiya shorish-e-jaan se aage

jab bhi bol uTThenge tanhai mein likkhe hue harf

phailte jaenge naqus o azan se aage

jis ki kirnon se ujala hai lahu mein 'ajmal'

jal raha hai wo diya kahkashan se aage