liya na hath se jis ne salam aashiq ka

liyā na haath se jis ne salām āshiq kā

vo kaan dhar ke sune kyā payām āshiq kā

qusūr-e-shaiḳh hai firdaus o huur kī ḳhvāhish

tirī galī meñ hai pyāre maqām āshiq kā

ġhurūr-e-husn na kar jazba-e-zuleḳhā dekh

kiyā hai ishq ne yūsuf ġhulām āshiq kā

tire hī naam kī simran hai mujh ko aur tasbīh

tū hī hai vird har ik sub.h-o-shām āshiq kā

vafūr-e-ishq ko āshiq hī jāntā hai 'nasīr'

har ik samajh nahīñ saktā kalām āshiq kā

liya na hath se jis ne salam aashiq ka

wo kan dhar ke sune kya payam aashiq ka

qusur-e-shaiKH hai firdaus o hur ki KHwahish

teri gali mein hai pyare maqam aashiq ka

ghurur-e-husn na kar jazba-e-zuleKHa dekh

kiya hai ishq ne yusuf ghulam aashiq ka

tere hi nam ki simran hai mujh ko aur tasbih

tu hi hai wird har ek subh-o-sham aashiq ka

wafur-e-ishq ko aashiq hi jaanta hai 'nasir'

har ek samajh nahin sakta kalam aashiq ka