main ki ab teri hi diwar ka ek saya hun

maiñ ki ab terī hī dīvār kā ik saayā huuñ

kitne be-ḳhvāb darīchoñ se guzar aayā huuñ

mujh ko ehsās hai hālāt kī majbūrī kā

bevafā kah ke tujhe aap bhī sharmāyā huuñ

mujh ko mat dekh mire zauq-e-samā.at ko to dekh

ki tire jism kī har taan pe lahrāyā huuñ

ai mo.arriḳh mirī ujḌī huī sūrat pe na jā

shahr-e-vīrāñ huuñ magar vaqt kā sarmāya huuñ

raushnī phail ga.ī hai mirī ḳhushbū kī tarah

maiñ bhī jalte hue sahrāoñ kā ham-sāyā huuñ

ham-safar laakh mirī raah kā patthar bhī bane

phir bhī zehnoñ ke dar-o-bām pe lahrāyā huuñ

na.ī manzil kā junūñ tohmat-e-gumrāhī hai

pā-shikasta bhī tirī raah meñ kahlāyā huuñ

phir numū paa.ī hai ik dard-e-ḳhush-āġhāz ke saath

dahr meñ jur.at-e-iz.hār kā pairāya huuñ

umr bhar but-shikanī kartā rahā aaj magar

apnī hī zaat ke kohsār se Takrāyā huuñ

dahr meñ azmat-e-ādam kā nishāñ huuñ 'fāriġh'

kabhī kohsār kabhī daar pe lahrāyā huuñ

main ki ab teri hi diwar ka ek saya hun

kitne be-KHwab darichon se guzar aaya hun

mujh ko ehsas hai haalat ki majburi ka

bewafa kah ke tujhe aap bhi sharmaya hun

mujh ko mat dekh mere zauq-e-samaat ko to dekh

ki tere jism ki har tan pe lahraya hun

ai moarriKH meri ujDi hui surat pe na ja

shahr-e-viran hun magar waqt ka sarmaya hun

raushni phail gai hai meri KHushbu ki tarah

main bhi jalte hue sahraon ka ham-saya hun

ham-safar lakh meri rah ka patthar bhi bane

phir bhi zehnon ke dar-o-baam pe lahraya hun

nai manzil ka junun tohmat-e-gumrahi hai

pa-shikasta bhi teri rah mein kahlaya hun

phir numu pai hai ek dard-e-KHush-aghaz ke sath

dahr mein jurat-e-izhaar ka pairaya hun

umr bhar but-shikani karta raha aaj magar

apni hi zat ke kohsar se Takraya hun

dahr mein azmat-e-adam ka nishan hun 'farigh'

kabhi kohsar kabhi dar pe lahraya hun