mere junun-e-shauq ko itni si kaenat bas

mere junūn-e-shauq ko itnī sī kā.enāt bas

kār-e-darāz ke liye chhoTī sī ye hayāt bas

kaisī haiñ āzmā.isheñ kaisā ye imtihān hai

mere junūñ ke vāste hijr kī ek raat bas

vo hai jamāl-e-be-karāñ qaidī-e-rañg hai nazar

dīda-e-shauq dekh le ā.īna-e-sifāt bas

saare jahāñ kī tohmateñ lag chukīñ ham pe shahr meñ

diije na ab safā.iyāñ kiije na ham se baat bas

hūr-o-qusūr-o-mai sabhī ahl-e-safā ke vāste

mujrim-e-ishq ke liye va.ada-e-yak-najāt bas

mere junun-e-shauq ko itni si kaenat bas

kar-e-daraaz ke liye chhoTi si ye hayat bas

kaisi hain aazmaishen kaisa ye imtihan hai

mere junun ke waste hijr ki ek raat bas

wo hai jamal-e-be-karan qaidi-e-rang hai nazar

dida-e-shauq dekh le aaina-e-sifat bas

sare jahan ki tohmaten lag chukin hum pe shahr mein

dije na ab safaiyan kije na hum se baat bas

hur-o-qusur-o-mai sabhi ahl-e-safa ke waste

mujrim-e-ishq ke liye wada-e-yak-najat bas