meri us pyari jhab se aankh lagi
merī us pyārī jhab se aañkh lagī
us sarāpā ajab se aañkh lagī
ishq meñ ḳhvāb kā ḳhayāl kise
na lagī aañkh jab se aañkh lagī
ḳhvāb meñ bhī na dekhā ham ne lutf
kis sarāpā ġhazab se aañkh lagī
jitne ḳhush-chashm haiñ zamāne meñ
rahtī hai merī sab se aañkh lagī
raat hamsāyoñ kī na sub.h talak
merī afġhān-e-shab se aañkh lagī
yaar aatā nazar nahīñ aatā
hai idhar merī kab se aañkh lagī
rahtī hai us nigāh-e-kāfir kī
ranjish-e-be-sabab se aañkh lagī
mujh ko mat dekh hai balā 'hasrat'
yār-e-āshiq-e-talab se aañkh lagī
meri us pyari jhab se aankh lagi
us sarapa ajab se aankh lagi
ishq mein KHwab ka KHayal kise
na lagi aankh jab se aankh lagi
KHwab mein bhi na dekha hum ne lutf
kis sarapa ghazab se aankh lagi
jitne KHush-chashm hain zamane mein
rahti hai meri sab se aankh lagi
raat hamsayon ki na subh talak
meri afghan-e-shab se aankh lagi
yar aata nazar nahin aata
hai idhar meri kab se aankh lagi
rahti hai us nigah-e-kafir ki
ranjish-e-be-sabab se aankh lagi
mujh ko mat dekh hai bala 'hasrat'
yar-e-ashiq-e-talab se aankh lagi
- Deewan-e-Hasrat Azeemabadi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
