mohabbaton ke pale kaise nafraton mein Dhale
mohabbatoñ ke pale kaise nafratoñ meñ Dhale
ye soch soch ke ham shahr terā chhoḌ chale
isī ḳhayāl se kartā nahīñ par-afshānī
mire paroñ kī ragaḌ se kahīñ falak na jale
ye kah rahī thī hasīna tamāsh-bīnoñ se
jo aap log haiñ achchhe to ham bure hī bhale
hayāt o maut kahānī hai sā.ebānoñ kī
kabhī falak ke tale ham kabhī zamīñ ke tale
tire firāq ke sadme qubūl haiñ lekin
jafā ke ba.ad chale to vafā kā daur chale
ye jānashīn-e-qamar merī dastaras meñ nahīñ
diye kī mauj hai bujh kar jale jale na jale
ajab tarīq se utrā visāl kā lamha
paḌe haiñ jaan ke laale lagā ke us ko gale
mohabbaton ke pale kaise nafraton mein Dhale
ye soch soch ke hum shahr tera chhoD chale
isi KHayal se karta nahin par-afshani
mere paron ki ragaD se kahin falak na jale
ye kah rahi thi hasina tamash-binon se
jo aap log hain achchhe to hum bure hi bhale
hayat o maut kahani hai saebanon ki
kabhi falak ke tale hum kabhi zamin ke tale
tere firaq ke sadme qubul hain lekin
jafa ke baad chale to wafa ka daur chale
ye jaanashin-e-qamar meri dastaras mein nahin
diye ki mauj hai bujh kar jale jale na jale
ajab tariq se utra visal ka lamha
paDe hain jaan ke lale laga ke us ko gale
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
