na badalna tha na badla dil-e-shaida apna
na badalnā thā na badlā dil-e-shaidā apnā
rañg har vaqt badaltī rahī duniyā apnā
sūrat-e-ātish-e-ḳhāmosh jalā kartā huuñ
dekhtā huuñ shab-e-ġham aap tamāshā apnā
zaḳhm ne daad na dī dard ne fariyād na kī
rah gayā thaam ke qātil bhī kaleja apnā
husn hai dād-e-ḳhudā ishq hai imdād-e-ḳhudā
ġhair kā daḳhl nahīñ baḳht hai apnā apnā
vo suneñ yā na suneñ nāla-o-fariyād 'azīz'
aap hargiz na kareñ tark taqāzā apnā
na badalna tha na badla dil-e-shaida apna
rang har waqt badalti rahi duniya apna
surat-e-atish-e-KHamosh jala karta hun
dekhta hun shab-e-gham aap tamasha apna
zaKHm ne dad na di dard ne fariyaad na ki
rah gaya tham ke qatil bhi kaleja apna
husn hai dad-e-KHuda ishq hai imdad-e-KHuda
ghair ka daKHl nahin baKHt hai apna apna
wo sunen ya na sunen nala-o-fariyaad 'aziz'
aap hargiz na karen tark taqaza apna
- Book : Intekhab-e-Sukhan(Jild-2) (Pg. 262)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
