na jaane qafile poshida kis ghubar mein hain
na jaane qāfile poshīda kis ġhubār meñ haiñ
ki manziloñ ke charāġh ab tak intizār meñ haiñ
bachā bachā ke guzarnā hai dāman-e-hastī
sharīk-e-ḳhār bhī kuchh jashn-e-nau-bahār meñ haiñ
kisī jadīd talātum kā intizār na ho
sunā to hai ki safīne abhī qarār meñ haiñ
pukārte haiñ ki dauḌo guzar na jaa.e ye daur
charāġh bujhte hue se jo rahguzār meñ haiñ
abhī to duur hai manzil ye qāfiloñ ke hujūm
abhī to marhala-e-jabr-o-iḳhtiyār meñ haiñ
abhī bahār ne sīkhī kahāñ hai dil-jūī
hazār daaġh abhī qalb-e-lāla-zār meñ haiñ
nikhar nikhar ke jo masmūm kar rahe haiñ fazā
kuchh aise phuul bhī 'aḳhtar' na.ī bahār meñ haiñ
na jaane qafile poshida kis ghubar mein hain
ki manzilon ke charagh ab tak intizar mein hain
bacha bacha ke guzarna hai daman-e-hasti
sharik-e-KHar bhi kuchh jashn-e-nau-bahaar mein hain
kisi jadid talatum ka intizar na ho
suna to hai ki safine abhi qarar mein hain
pukarte hain ki dauDo guzar na jae ye daur
charagh bujhte hue se jo rahguzar mein hain
abhi to dur hai manzil ye qafilon ke hujum
abhi to marhala-e-jabr-o-iKHtiyar mein hain
abhi bahaar ne sikhi kahan hai dil-jui
hazar dagh abhi qalb-e-lala-zar mein hain
nikhar nikhar ke jo masmum kar rahe hain faza
kuchh aise phul bhi 'aKHtar' nai bahaar mein hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
