nigah-o-dil se guzri dastan tak baat ja pahunchi

nigāh-o-dil se guzrī dāstāñ tak baat jā pahuñchī

mire hoñToñ se niklī aur kahāñ tak baat jā pahuñchī

bahe aañsū zamīñ par āsmāñ tak baat jā pahuñchī

kahī zarroñ se lekin kahkashāñ tak baat jā pahuñchī

abhī hai iḳhtilāf-e-jām-o-mīnā raaz kī had tak

na-jāne kyā ho gar pīr-o-muġhāñ tak baat jā pahuñchī

raqīboñ ne yūñhī dā'vā kiyā thā jāñ-nisārī kā

magar merī badaulat imtihāñ tak baat jā pahuñchī

samajhte the rahegī zindagī mahdūd-e-gul-bulbul

magar taḳhrīb-e-nazm-e-gulsitāñ tak baat jā pahuñchī

chhiḌā thā bazm meñ kal tazkira mizhgān-o-abrū kā

baḌhī kuchh is qadar teġh-o-sināñ tak baat jā pahuñchī

ma.āl-e-jurm-e-taqsīm-e-vatan kyā kam thā rone ko

ki ab fikr-o-malāl-e-āshiyāñ tak baat jā pahuñchī

chhupā rakhā thā jis ko muddatoñ se dil meñ ai 'anvar'

hazār afsos vo sharh-o-bayāñ tak baat jā pahuñchī

nigah-o-dil se guzri dastan tak baat ja pahunchi

mere honTon se nikli aur kahan tak baat ja pahunchi

bahe aansu zamin par aasman tak baat ja pahunchi

kahi zarron se lekin kahkashan tak baat ja pahunchi

abhi hai iKHtilaf-e-jam-o-mina raaz ki had tak

na-jaane kya ho gar pir-o-mughan tak baat ja pahunchi

raqibon ne yunhi da'wa kiya tha jaan-nisari ka

magar meri badaulat imtihan tak baat ja pahunchi

samajhte the rahegi zindagi mahdud-e-gul-bulbul

magar taKHrib-e-nazm-e-gulsitan tak baat ja pahunchi

chhiDa tha bazm mein kal tazkira mizhgan-o-abru ka

baDhi kuchh is qadar tegh-o-sinan tak baat ja pahunchi

maal-e-jurm-e-taqsim-e-watan kya kam tha rone ko

ki ab fikr-o-malal-e-ashiyan tak baat ja pahunchi

chhupa rakha tha jis ko muddaton se dil mein ai 'anwar'

hazar afsos wo sharh-o-bayan tak baat ja pahunchi