nigahon mein ye kya farma gai ho
nigāhoñ meñ ye kyā farmā ga.ī ho
mirī sāñsoñ ke taar uljhā ga.ī ho
dar-o-dīvār meñ hai ajnabiyat
maiñ ḳhud bhī kho gayā tum kyā ga.ī ho
pareshāñ ho ga.e ta.abīr se ḳhvāb
ki jaise kuchh badal kar aa ga.ī ho
tamannā intizār-e-dost ke ba.ad
kalī jaise koī murjhā ga.ī ho
ye aañsū ye pashemānī kā iz.hār
mujhe ik baar phir bahkā ga.ī ho
'ziyā' vo zindagī kyā zindagī hai
jise ḳhud maut bhī Thukrā ga.ī ho
nigahon mein ye kya farma gai ho
meri sanson ke tar uljha gai ho
dar-o-diwar mein hai ajnabiyat
main KHud bhi kho gaya tum kya gai ho
pareshan ho gae tabir se KHwab
ki jaise kuchh badal kar aa gai ho
tamanna intizar-e-dost ke baad
kali jaise koi murjha gai ho
ye aansu ye pashemani ka izhaar
mujhe ek bar phir bahka gai ho
'ziya' wo zindagi kya zindagi hai
jise KHud maut bhi Thukra gai ho
- Book : sar-e-shaam se pas-e-harf tak (Pg. 24)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
