aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nind aa gai thi manzil-e-irfan se guzar ke

Ali Jawwad Zaidi

nind aa gai thi manzil-e-irfan se guzar ke

Ali Jawwad Zaidi

MORE BYAli Jawwad Zaidi

    niind aa ga.ī thī manzil-e-irfāñ se guzar ke

    chauñke haiñ ham ab sarhad-e-isyāñ se guzar ke

    āñkhoñ meñ liye jalva-e-nairañg-e-tamāshā

    aa.ī hai ḳhizāñ jashn-e-bahārāñ se guzar ke

    yādoñ ke javāñ qāfile aate raheñge

    sarmā ke isī barg-e-pur-afshāñ se guzar ke

    kāñToñ ko bhī ab bād-e-sabā chheḌ rahī hai

    phūloñ ke hasīñ chaak garebāñ se guzar ke

    vahshat na.ī rāhguzar DhūñDh rahe haiñ

    ham ahl-e-junūñ dasht o bayābāñ se guzar ke

    ban jā.egā taarā kisī māyūs ḳhalā meñ

    ye ashk-e-sahar gosha-e-dāmāñ se guzar ke

    āvārgi-e-fikr kidhar le ke chalī hai

    sar-manzil-e-āzādi-e-insāñ se guzar ke

    paa.ī hai nigāhoñ ne tirī bazm-e-tamannā

    rātoñ ko chināroñ ke charāġhāñ se guzar ke

    ik gardish-e-chashm-e-karam ik mauj-e-nazāra

    kal shab ko milī gardish-e-daurāñ se guzar ke

    milne ko to mil jaa.e magar legā bhalā kaun

    sāhil sukūñ shorish-e-tūfāñ se guzar ke

    ik nishtar-e-ġham aur sahī ai ġham-e-manzil

    aa dekh to ik roz rag-e-jāñ se guzar ke

    ab dard meñ vo kaifiyat-e-dard nahīñ hai

    aayā huuñ jo us bazm-e-gul-afshāñ se guzar ke

    nind aa gai thi manzil-e-irfan se guzar ke

    chaunke hain hum ab sarhad-e-isyan se guzar ke

    aankhon mein liye jalwa-e-nairang-e-tamasha

    aai hai KHizan jashn-e-bahaaran se guzar ke

    yaadon ke jawan qafile aate hi rahenge

    sarma ke isi barg-e-pur-afshan se guzar ke

    kanTon ko bhi ab baad-e-saba chheD rahi hai

    phulon ke hasin chaak gareban se guzar ke

    wahshat ki nai rahguzar DhunDh rahe hain

    hum ahl-e-junun dasht o bayaban se guzar ke

    ban jaega tara kisi mayus KHala mein

    ye ashk-e-sahar gosha-e-daman se guzar ke

    aawargi-e-fikr kidhar le ke chali hai

    sar-manzil-e-azadi-e-insan se guzar ke

    pai hai nigahon ne teri bazm-e-tamanna

    raaton ko chinaron ke charaghan se guzar ke

    ek gardish-e-chashm-e-karam ek mauj-e-nazara

    kal shab ko mili gardish-e-dauran se guzar ke

    milne ko to mil jae magar lega bhala kaun

    sahil ka sukun shorish-e-tufan se guzar ke

    ek nishtar-e-gham aur sahi ai gham-e-manzil

    aa dekh to ek roz rag-e-jaan se guzar ke

    ab dard mein wo kaifiyat-e-dard nahin hai

    aaya hun jo us bazm-e-gul-afshan se guzar ke

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now