pahla patthar yaad hamesha rahta hai
pahlā patthar yaad hamesha rahtā hai
dukh se dil ābād hamesha rahtā hai
paas raheñ yā duur magar un ā.ankhoñ meñ
mausam-e-abr-o-bād hamesha rahtā hai
qaid kī ḳhvāhish us kā dukh ban jaatī hai
jo panchhī āzād hamesha rahtā hai
ek gul-e-be-mehr khilāne kī ḳhātir
qarya-e-dil barbād hamesha rahtā hai
is ke liye maiñ kyā kyā svāñg rachātā huuñ
vo phir bhī nāshād hamesha rahtā hai
paañv thameñ to kaise 'sābir' apne saath
ek safar ījād hamesha rahtā hai
pahla patthar yaad hamesha rahta hai
dukh se dil aabaad hamesha rahta hai
pas rahen ya dur magar un aaankhon mein
mausam-e-abr-o-baad hamesha rahta hai
qaid ki KHwahish us ka dukh ban jati hai
jo panchhi aazad hamesha rahta hai
ek gul-e-be-mehr khilane ki KHatir
qarya-e-dil barbaad hamesha rahta hai
is ke liye main kya kya swang rachata hun
wo phir bhi nashad hamesha rahta hai
panw thamen to kaise 'sabir' apne sath
ek safar ijad hamesha rahta hai
- Book : siip-volume-47 (Pg. 51)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
