aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pairahan-e-rangin se shoala sa nikalta hai

Nushur Wahidi

pairahan-e-rangin se shoala sa nikalta hai

Nushur Wahidi

MORE BYNushur Wahidi

    pairāhan-e-rañgīñ se sho.ala nikaltā hai

    ma.asūm hai kyā jaane dāman kahīñ jaltā hai

    merī mizha-e-ġham par larzāñ hai haqīqat

    un ke lab-e-la.alīñ par afsāna machaltā hai

    achchhī hai rahe thoḌī ye jalva-tarāzī bhī

    raqs-e-mah-o-anjum meñ dīvāna bahaltā hai

    unvān-e-taraqqī hai ye tīra-fizā.ī bhī

    kuchh gard bhī uThtī hai jab qāfila chaltā hai

    hai shaam abhī kyā hai bahkī huī bāteñ haiñ

    kuchh raat Dhale saaqī mai-ḳhāna sambhaltā hai

    bas dekh chukī duniyā ye bazm-farozī bhī

    rakkhā hai charāġh aisā bujhtā hai na jaltā hai

    ik sehr-e-shabistāñ hai ye fann-e-jahāñ-rānī

    duniyā hai ki sotī hai jaadū hai ki chaltā hai

    aflās ke aañsū se tūfāñ bhī larazte haiñ

    sho.aloñ jigar goyā shabnam se dahaltā hai

    mutrib-ba-lab-e-la.alīñ sāqī-ba-mai-o-mīnā

    is garmi-e-mahfil meñ īmān pighaltā hai

    pairahan-e-rangin se shoala sa nikalta hai

    masum hai kya jaane daman kahin jalta hai

    meri mizha-e-gham par larzan hai haqiqat si

    un ke lab-e-lalin par afsana machalta hai

    achchhi hai rahe thoDi ye jalwa-taraazi bhi

    raqs-e-mah-o-anjum mein diwana bahalta hai

    unwan-e-taraqqi hai ye tira-fizai bhi

    kuchh gard bhi uThti hai jab qafila chalta hai

    hai sham abhi kya hai bahki hui baaten hain

    kuchh raat Dhale saqi mai-KHana sambhalta hai

    bas dekh chuki duniya ye bazm-farozi bhi

    rakkha hai charagh aisa bujhta hai na jalta hai

    ek sehr-e-shabistan hai ye fann-e-jahan-rani

    duniya hai ki soti hai jadu hai ki chalta hai

    aflas ke aansu se tufan bhi larazte hain

    shoalon ka jigar goya shabnam se dahalta hai

    mutrib-ba-lab-e-lalin saqi-ba-mai-o-mina

    is garmi-e-mahfil mein iman pighalta hai

    Source:

    Sawad-e-manzil (Pg. 159)

    • Author: Nushoor Wahedi
      • Edition: 2009
      • Publisher: Maktaba Jamia Ltd, Delhi
      • Year of Publication: 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now