parda ulaT ke usne jo chehra dikha diya

parda ulaT ke us ne jo chehrā dikhā diyā

rañg-e-ruḳh-e-bahār-e-gulistāñ uḌā diyā

vahshat meñ qaid-e-dair-o-haram dil se uTh ga.ī

haqqā ki mujh ko ishq ne rastā batā diyā

phir jhāñk-tāk āñkhoñ ne merī shurūa kī

phir ġham kā mere nāloñ ne laggā lagā diyā

añgḌā.ī donoñ haath uThā kar jo us ne lī

par lag ga.e paroñ ne parī ko uḌā diyā

sīkhī hai us javān ne pīr-e-falak kī chaal

hir-phir ke mujh ko ḳhaak meñ āḳhir milā diyā

vo sair ko jo aa.e to sadqe meñ un ko 'barq'

har ek gul ne tā.ir-e-nik.hat uḌā diyā

parda ulaT ke us ne jo chehra dikha diya

rang-e-ruKH-e-bahaar-e-gulistan uDa diya

wahshat mein qaid-e-dair-o-haram dil se uTh gai

haqqa ki mujh ko ishq ne rasta bata diya

phir jhank-tak aankhon ne meri shurua ki

phir gham ka mere nalon ne lagga laga diya

angDai donon hath uTha kar jo us ne li

par lag gae paron ne pari ko uDa diya

sikhi hai us jawan ne pir-e-falak ki chaal

hir-phir ke mujh ko KHak mein aaKHir mila diya

wo sair ko jo aae to sadqe mein un ko 'barq'

har ek gul ne tair-e-nikhat uDa diya