rah pur-Khaar hai kya hona hai

raah pur-ḳhār hai kyā honā hai

paañv afgār hai kyā honā hai

kaam zindāñ ke kiye aur hameñ

shauq-e-gulzār hai kyā honā hai

jaan halkān huī jaatī hai

baar sā baar hai kyā honā hai

paar jaanā hai nahīñ miltī naav

zor par dhaar hai kyā honā hai

raushnī kī hameñ aadat aur ghar

tīra-o-tār hai kyā honā hai

beach meñ aag kā dariyā haa.el

qasd us paar hai kyā honā hai

saath vāloñ ne yahīñ chhoḌ diyā

be-kasī yaar hai kyā honā hai

āḳhirī diid hai aao mil leñ

rañj be-kār hai kyā honā hai

dil hameñ tum se lagānā hī na thā

ab safar baar hai kyā honā hai

kyuuñ 'razā' kuḌhte ho hañste uTTho

jab vo ġhaffār hai kyā honā hai

rah pur-KHar hai kya hona hai

panw afgar hai kya hona hai

kaam zindan ke kiye aur hamein

shauq-e-gulzar hai kya hona hai

jaan halkan hui jati hai

bar sa bar hai kya hona hai

par jaana hai nahin milti naw

zor par dhaar hai kya hona hai

raushni ki hamein aadat aur ghar

tira-o-tar hai kya hona hai

beach mein aag ka dariya hael

qasd us par hai kya hona hai

sath walon ne yahin chhoD diya

be-kasi yar hai kya hona hai

aaKHiri did hai aao mil len

ranj be-kar hai kya hona hai

dil hamein tum se lagana hi na tha

ab safar bar hai kya hona hai

kyun 'raza' kuDhte ho hanste uTTho

jab wo ghaffar hai kya hona hai