ragon mein zahr-e-KHamoshi utarne se zara pahle
ragon mein zahr-e-KHamoshi utarne se zara pahle
Khushbir Singh Shaad
MORE BYKhushbir Singh Shaad
ragoñ meñ zahr-e-ḳhamoshī utarne se zarā pahle
bahut taḌpī koī āvāz marne se zarā pahle
zarā sī baat hai kab yaad hogī in havāoñ ko
maiñ ik paikar thā zarroñ meñ bikharne se zarā pahle
maiñ ashkoñ kī tarah is dard ko bhī zabt kar letā
mujhe āgāh to kartā ubharne se zarā pahle
koī sūraj se ye pūchhe ki kyā mahsūs hotā hai
bulandī se nasheboñ meñ utarne se zarā pahle
kahīñ tasvīr rusvā kar na de mere tasavvur ko
musavvir soch meñ hai rañg bharne se zarā pahle
sunā hai vaqt kuchh ḳhush-rañg lamhe le ke guzrā hai
mujhe bhī 'shād' kar jaatā guzarne se zarā pahle
ragon mein zahr-e-KHamoshi utarne se zara pahle
bahut taDpi koi aawaz marne se zara pahle
zara si baat hai kab yaad hogi in hawaon ko
main ek paikar tha zarron mein bikharne se zara pahle
main ashkon ki tarah is dard ko bhi zabt kar leta
mujhe aagah to karta ubharne se zara pahle
koi suraj se ye puchhe ki kya mahsus hota hai
bulandi se nashebon mein utarne se zara pahle
kahin taswir ruswa kar na de mere tasawwur ko
musawwir soch mein hai rang bharne se zara pahle
suna hai waqt kuchh KHush-rang lamhe le ke guzra hai
mujhe bhi 'shad' kar jata guzarne se zara pahle
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
