aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

raste mein luT gaya hai to kya qafila to hai

Jameel Malik

raste mein luT gaya hai to kya qafila to hai

Jameel Malik

MORE BYJameel Malik

    raste meñ luT gayā hai to kyā qāfila to hai

    yaaro na.e safar abhī hausla to hai

    vāmāñdgī se uTh nahīñ saktā to kyā huā

    manzil se āshnā na sahī naqsh-e-pā to hai

    hāthoñ meñ haath le ke yahāñ se guzar chaleñ

    qadmoñ meñ pul-sirāt sahī rāstā to hai

    māñge raushnī to koī raushnī nahīñ

    is daur-e-musta.ār meñ apnā diyā to hai

    ye kyā zarūr hai maiñ kahūñ aur sune

    jo merā haal hai vo tujhe bhī patā to hai

    apnī shikāyateñ na sahī terā ġham sahī

    iz.hār-e-dāstāñ koī silsila to hai

    ham se koī ta.alluq-e-ḳhātir to hai use

    vo yaar bā-vafā na sahī bevafā to hai

    vo aa.e na aa.e mulāqāt ho na ho

    rañg-e-sahar ke paas ḳhirām-e-sabā to hai

    paañv chaap se mirī dhaḌkan hai ham-navā

    is dasht-e-haul meñ koī naġhma-sarā to hai

    sūraj hamāre ghar nahīñ aayā to kyā huā

    do-chār āñganoñ meñ ujālā huā to hai

    kāñTā nikal bhī jā.egā jab vaqt aa.egā

    kāñTe ke dil meñ bhī koī kāñTā chubhā to hai

    maiñ reza reza uḌtā phiruñgā havā ke saath

    sadiyoñ meñ jhāñk kar bhī mujhe dekhnā to hai

    āshob-e-āgahī shab-e-be-kanār meñ

    tere liye 'jamīl' koī sochtā to hai

    raste mein luT gaya hai to kya qafila to hai

    yaro nae safar ka abhi hausla to hai

    wamandgi se uTh nahin sakta to kya hua

    manzil se aashna na sahi naqsh-e-pa to hai

    hathon mein hath le ke yahan se guzar chalen

    qadmon mein pul-siraat sahi rasta to hai

    mange ki raushni to koi raushni nahin

    is daur-e-mustaar mein apna diya to hai

    ye kya zarur hai main kahun aur tu sune

    jo mera haal hai wo tujhe bhi pata to hai

    apni shikayaten na sahi tera gham sahi

    izhaar-e-dastan ka koi silsila to hai

    hum se koi talluq-e-KHatir to hai use

    wo yar ba-wafa na sahi bewafa to hai

    wo aae ya na aae mulaqat ho na ho

    rang-e-sahar ke pas KHiram-e-saba to hai

    panw ki chap se meri dhaDkan hai ham-nawa

    is dasht-e-haul mein koi naghma-sara to hai

    suraj hamare ghar nahin aaya to kya hua

    do-chaar aanganon mein ujala hua to hai

    kanTa nikal bhi jaega jab waqt aaega

    kanTe ke dil mein bhi koi kanTa chubha to hai

    main reza reza uDta phirunga hawa ke sath

    sadiyon mein jhank kar bhi mujhe dekhna to hai

    aashob-e-agahi ki shab-e-be-kanar mein

    tere liye 'jamil' koi sochta to hai

    Source:

    naquush (Pg. 254)

      • Edition: 1979
      • Year of Publication: 1979

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now