ruKHsat-e-yar ka mazmun ba-mushkil bandha

ruḳhsat-e-yār kā mazmūn ba-mushkil bāñdhā

dil na bañdhtā thā kisī taur baḌā dil bāñdhā

ham ne bhī bāñdh liyā ziist kā asbāb vahīñ

jab sunā yār-e-safar-dār ne mahmil bāñdhā

ham ne us chehre ko bāñdhā nahīñ mahtāb-misāl

ham ne mahtāb ko us ruḳh ke mumāsil bāñdhā

aur kyā bāñdhte sāmāñ meñ ba-hañgām-e-safar

sirf dāman meñ ḳhas-e-kūcha-e-qātil bāñdhā

ham jo har gaam se paimān-e-vafā bāñdhte the

āḳhirash ham ne bhī azm-e-sar-e-manzil bāñdhā

ruKHsat-e-yar ka mazmun ba-mushkil bandha

dil na bandhta tha kisi taur baDa dil bandha

hum ne bhi bandh liya zist ka asbab wahin

jab suna yar-e-safar-dar ne mahmil bandha

hum ne us chehre ko bandha nahin mahtab-misal

hum ne mahtab ko us ruKH ke mumasil bandha

aur kya bandhte saman mein ba-hangam-e-safar

sirf daman mein KHas-e-kucha-e-qatil bandha

hum jo har gam se paiman-e-wafa bandhte the

aaKHirash hum ne bhi azm-e-sar-e-manzil bandha