sar uThane ki to himmat nahin karne wale

sar uThāne kī to himmat nahīñ karne vaale

ye jo murda haiñ baġhāvat nahīñ karne vaale

muflisī laakh sahī ham meñ vo ḳhuddārī hai

hākim-e-vaqt kī ḳhidmat nahīñ karne vaale

in se ummīd na rakh haiñ ye siyāsat vaale

ye kisī se bhī mohabbat nahīñ karne vaale

haath āñdhī se milā aa.e isī daur ke log

ye charāġhoñ kī hifāzat nahīñ karne vaale

ishq ham ko ye nibhānā hai to jo rakh sharteñ

ham kisī shart pe hujjat nahīñ karne vaale

phoḌ kar sar tire dar par yahīñ mar jā.eñge

ham tire shahr se hijrat nahīñ karne vaale

sar uThane ki to himmat nahin karne wale

ye jo murda hain baghawat nahin karne wale

muflisi lakh sahi hum mein wo KHuddari hai

hakim-e-waqt ki KHidmat nahin karne wale

in se ummid na rakh hain ye siyasat wale

ye kisi se bhi mohabbat nahin karne wale

hath aandhi se mila aae isi daur ke log

ye charaghon ki hifazat nahin karne wale

ishq hum ko ye nibhana hai to jo rakh sharten

hum kisi shart pe hujjat nahin karne wale

phoD kar sar tere dar par yahin mar jaenge

hum tere shahr se hijrat nahin karne wale