sard jazbe bujhe bujhe chehre

sard jazbe bujhe bujhe chehre

jism zinda haiñ mar ga.e chehre

aaj ke daur kī alāmat haiñ

falsafī zehn sochte chehre

sail-e-ġham se bhī saaf ho na sake

gard-ālūd malgaje chehre

yaḳh-zada soch ke darīchoñ meñ

kis ne dekhe haiñ kāñpte chehre

ik baras bhī abhī nahīñ guzrā

kitnī jaldī badal ga.e chehre

maiñ ne aksar ḳhud apne chehre par

dūsroñ ke sajā liye chehre

vo to nikle bahut hī bad-sūrat

'kaif' dekhe the jo saje chehre

sard jazbe bujhe bujhe chehre

jism zinda hain mar gae chehre

aaj ke daur ki alamat hain

falsafi zehn sochte chehre

sail-e-gham se bhi saf ho na sake

gard-alud malgaje chehre

yaKH-zada soch ke darichon mein

kis ne dekhe hain kanpte chehre

ek baras bhi abhi nahin guzra

kitni jaldi badal gae chehre

main ne aksar KHud apne chehre par

dusron ke saja liye chehre

wo to nikle bahut hi bad-surat

'kaif' dekhe the jo saje chehre