shadid pyas thi phir bhi chhua na pani ko
shadīd pyaas thī phir bhī chhuā na paanī ko
maiñ dekhtā rahā dariyā tirī ravānī ko
siyāh raat ne behāl kar diyā mujh ko
ki tuul de nahīñ paayā kisī kahānī ko
bajā.e mere kisī aur kā taqarrur ho
qubūl jo kare ḳhvāboñ kī pāsbānī ko
amaañ kī jā mujhe ai shahr tū ne dī to hai
bhulā na pā.ūñgā sahrā kī be-karānī ko
jo chāhtā hai ki iqbāl ho sivā terā
to sab meñ baañT barābar se shādmānī ko
shadid pyas thi phir bhi chhua na pani ko
main dekhta raha dariya teri rawani ko
siyah raat ne behaal kar diya mujh ko
ki tul de nahin paya kisi kahani ko
bajae mere kisi aur ka taqarrur ho
qubul jo kare KHwabon ki pasbani ko
aman ki ja mujhe ai shahr tu ne di to hai
bhula na paunga sahra ki be-karani ko
jo chahta hai ki iqbaal ho siwa tera
to sab mein banT barabar se shadmani ko
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
