shamim-e-yar na jab tak chaman mein chhu aae

shamīm-e-yār na jab tak chaman meñ chhū aa.e

na rañg aa.e kisī phuul meñ na bū aa.e

maza to jab hai shahādat kā maiñ idhar se baḌhūñ

udhar se teġh-e-jafā khiñch ke tā gulū aa.e

dimāġh de jo ḳhudā gulshan-e-mohabbat meñ

har ek gul se tire pairahan kī bū aa.e

zabāñ darāz sināñ zaḳhm meñ darīda dahan

kahīñ na donoñ meñ ranjish kī guftugū aa.e

dikhā.eñ husn-e-bayāñ shā.irī meñ kyā 'taslīm'

zabān aa.e na andāz-e-guftugū aa.e

shamim-e-yar na jab tak chaman mein chhu aae

na rang aae kisi phul mein na bu aae

maza to jab hai shahadat ka main idhar se baDhun

udhar se tegh-e-jafa khinch ke ta gulu aae

dimagh de jo KHuda gulshan-e-mohabbat mein

har ek gul se tere pairahan ki bu aae

zaban daraaz sinan zaKHm mein darida dahan

kahin na donon mein ranjish ki guftugu aae

dikhaen husn-e-bayan shairi mein kya 'taslim'

zaban aae na andaz-e-guftugu aae