shauq-e-warafta chala shahr-e-tamasha ki taraf

shauq-e-vārafta chalā shahr-e-tamāshā kī taraf

baḌh ga.e ham bhī hisār-e-husn-e-lailā kī taraf

ham se maujeñ kah rahī thiiñ aa mirī āġhosh meñ

ham kahāñ yuuñ jā rahe the mauj-e-dariyā kī taraf

is qadar Duube gunāh-e-ishq meñ tere habīb

sochte haiñ jā.eñge kis muñh se tauba kī taraf

kyā zarūrī hai ki hirs-e-jalva-e-sad-rañg meñ

har nazar bhaTke kisī bhī husn-ārā kī taraf

āyat-e-husn-o-mohabbat se hai bas do hī murād

ek hai merī taraf ik māh-pāra kī taraf

shahr-e-dil vīrāna kardam pā-ba-jaulāñ mī-kunī

jī khiñchā jaatā hai apnā ab to sahrā kī taraf

saarī duniyā dushman-e-jāñ ban ga.ī hai ai 'sirāj'

koī patthar bhī na aayā tere shaidā kī taraf

shauq-e-warafta chala shahr-e-tamasha ki taraf

baDh gae hum bhi hisar-e-husn-e-laila ki taraf

hum se maujen kah rahi thin aa meri aaghosh mein

hum kahan yun ja rahe the mauj-e-dariya ki taraf

is qadar Dube gunah-e-ishq mein tere habib

sochte hain jaenge kis munh se tauba ki taraf

kya zaruri hai ki hirs-e-jalwa-e-sad-rang mein

har nazar bhaTke kisi bhi husn-ara ki taraf

aayat-e-husn-o-mohabbat se hai bas do hi murad

ek hai meri taraf ek mah-para ki taraf

shahr-e-dil virana kardam pa-ba-jaulan mi-kuni

ji khincha jata hai apna ab to sahra ki taraf

sari duniya dushman-e-jaan ban gai hai ai 'siraj'

koi patthar bhi na aaya tere shaida ki taraf