shiddat-e-shauq se afsane to ho jate hain

shiddat-e-shauq se afsāne to ho jaate haiñ

phir na jaane vahī āshiq kahāñ kho jaate haiñ

mujh se irshād ye hotā hai ki samjhūñ un ko

aur phir bhiiḌ meñ duniyā kī vo kho jaate haiñ

dard jab zabt kī har had se guzar jaatā hai

ḳhvāb tanhā.ī ke āġhosh meñ so jaate haiñ

bas yūñhī kahte haiñ vo mere haiñ mere hoñge

aur ik pal meñ kisī aur ke ho jaate haiñ

ham to pāband-e-vafā pahle bhī the aaj bhī haiñ

aap hī fāsle le aa.e to lo jaate haiñ

koī tadbīr na taqdīr se lenā-denā

bas yūñhī faisle jo hone haiñ ho jaate haiñ

kuchh to ehsās-e-mohabbat se huiiñ nam āñkheñ

kuchh tirī yaad ke bādal bhī bhigo jaate haiñ

shiddat-e-shauq se afsane to ho jate hain

phir na jaane wahi aashiq kahan kho jate hain

mujh se irshad ye hota hai ki samjhun un ko

aur phir bhiD mein duniya ki wo kho jate hain

dard jab zabt ki har had se guzar jata hai

KHwab tanhai ke aaghosh mein so jate hain

bas yunhi kahte hain wo mere hain mere honge

aur ek pal mein kisi aur ke ho jate hain

hum to paband-e-wafa pahle bhi the aaj bhi hain

aap hi fasle le aae to lo jate hain

koi tadbir na taqdir se lena-dena

bas yunhi faisle jo hone hain ho jate hain

kuchh to ehsas-e-mohabbat se huin nam aankhen

kuchh teri yaad ke baadal bhi bhigo jate hain