Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

shikasta-pa hain koi aasra banate hain

Shariq Jamal

shikasta-pa hain koi aasra banate hain

Shariq Jamal

shikasta-pā haiñ koī aasrā banāte haiñ

miTā ke ḳhud ko jo ham ik ḳhudā banāte haiñ

hameñ shu.ūr-e-haqīqat nahīñ so ham aksar

fareb-e-jumbish-e-bāl-e-humā banāte haiñ

vo apne husn har raaz kholne ke liye

qabā banāte haiñ band-e-qabā banāte haiñ

abad ke dosh pe sū-e-azal chale haiñ ki ham

nayā naqsh koī dahr banāte haiñ

ḳhudā-e-mausam-e-gul un ko tāzgī baḳhshe

jo dast-e-shauq se dast-e-sabā banāte haiñ

na.e sire se koī intihā banāne ko

na.e sire se koī ibtidā banāte haiñ

ḳhudā-shanās haiñ ham is liye ba-nām-e-sanam

haram banāte haiñ qibla-numā banāte haiñ

kabhī guzar na sakeñ apne qariya-e-jāñ se

so ham vajūd meñ apne ḳhalā banāte haiñ

kisī hasīna-e-bilqīs-adā ḳhātir ham

nigār-ḳhāna-e-shahr-e-sabā banāte haiñ

ham apne zehn ke qirtās par tire hote

tujhe banāte haiñ aur jā-ba-jā banāte haiñ

chalo jahān-e-ḳhayāl-o-gumān meñ 'shāriq'

phir is jahāñ koī sāneha banāte haiñ

shikasta-pa hain koi aasra banate hain

miTa ke KHud ko jo hum ek KHuda banate hain

hamein shuur-e-haqiqat nahin so hum aksar

fareb-e-jumbish-e-baal-e-huma banate hain

wo apne husn ka har raaz kholne ke liye

qaba banate hain band-e-qaba banate hain

abad ke dosh pe su-e-azal chale hain ki hum

naya hi naqsh koi dahr ka banate hain

KHuda-e-mausam-e-gul un ko tazgi baKHshe

jo dast-e-shauq se dast-e-saba banate hain

nae sire se koi intiha banane ko

nae sire se koi ibtida banate hain

KHuda-shanas hain hum is liye ba-nam-e-sanam

haram banate hain qibla-numa banate hain

kabhi guzar na saken apne qariya-e-jaan se

so hum wajud mein apne KHala banate hain

kisi hasina-e-bilqis-ada ki KHatir hum

nigar-KHana-e-shahr-e-saba banate hain

hum apne zehn ke qirtas par tere hote

tujhe banate hain aur ja-ba-ja banate hain

chalo jahan-e-KHayal-o-guman mein 'shaariq'

phir is jahan sa koi saneha banate hain

0
COMMENTS
VIEW COMMENTS VIEW COMMENTS

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY

You have remaining out of free content pages per year. Log In or Register to become a Rekhta Family member to access the full website.

Speak Now