silsila zaKHm zaKHm jari hai
silsila zaḳhm zaḳhm jaarī hai
ye zamīñ duur tak hamārī hai
is zamīñ se ajab ta.alluq hai
zarre zarre se rishtedārī hai
maiñ bahut kam kisī se miltā huuñ
jis se yaarī hai us se yaarī hai
naav kāġhaz kī chhoḌ dī maiñ ne
ab samundar kī zimmedārī hai
bech Daalā hai din kā har lamha
raat thoḌī bahut hamārī hai
ret ke ghar to bah ga.e lekin
bārishoñ kā ḳhulūs jaarī hai
koī 'nazmī' guzār kar dekhe
maiñ ne jo zindagī guzārī hai
silsila zaKHm zaKHm jari hai
ye zamin dur tak hamari hai
is zamin se ajab talluq hai
zarre zarre se rishtedari hai
main bahut kam kisi se milta hun
jis se yari hai us se yari hai
naw kaghaz ki chhoD di main ne
ab samundar ki zimmedari hai
bech Dala hai din ka har lamha
raat thoDi bahut hamari hai
ret ke ghar to bah gae lekin
barishon ka KHulus jari hai
koi 'nazmi' guzar kar dekhe
main ne jo zindagi guzari hai
Source:
Hindustani Gazle.n
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
